Прадстаўленая на суд гледачоў і журы праграма, цалкам адпавядала патрабаванням Палажэння аб яго правядзенні і прынесла прысутным шмат прыемных момантаў. Ваеннай тэме былі прысвечаны песні ў выкананні салісткі Н. Сырай і вакальнай групы хлопчыкаў. Нікога не пакінула абыякавым чытанне І. Антухевіч і А. Чайкоўскай, якое нагадала пра тое, колькі гора і пакут прынесла людзям вайна... Прызнаннем у любові да роднай Беларусі, свайго роднага кутка зямлі, прагучалі песні ў выкананні дуэта Сідаровіч, М. Кулінай, М.Пашука, дуэта І.Антухевіч і А.Адамовіч, жаночай фальклорнай групы. Як заўсёды, на вышыні былі юныя вішнеўскія артысты А. Дыро, А. Чайкоўская, М. Несцер, дзіцячая вакальная група. Кожны нумар канцэртнай праграмы, якая парадавала масавасцю ўдзельнікаў і суправаджалася тэматычнай відэапрэзентацыяй, цёпла прымаўся гледачамі. Трэба адзначыць, што жыхары аграгарадка ахвотна наведваюць Дом культуры, дзе для іх заўсёды гасцінна адкрыта “акенца творчасці” мясцовых артыстаў.
