У летні перыяд, па традыцыі, часцей праводзяцца абменныя канцэрты паміж творчымі калектывамі сельскіх клубных устаноў раёна. Артыстаў запрашаюць для ўдзелу ў брэндавых мерапрыемствах у аграгарадках раёна, святах вёсак, канцэртных праграмах.
Вось і 19 ліпеня з канцэртнай праграмай, якая называлася "Мой родны кут", перад жыхарамі аграгарадка Войстам выступілі самадзейныя артысты з Кушлянскага Дома культуры. У выкананні жаночай вакальнай групы «Кушляначки» прагучалі папулярныя песні мінулых гадоў, песні сучасных аўтараў, а таксама лірычныя песні аб Беларусі, аб родным краі. Кожны нумар праграмы гледачы сустракалі цёплымі апладысментамі і доўга не адпускалі гасцей з імправізаванай пляцоўкі.
© 2017 Дзяржаўная ўстанова культуры «Смаргонскі раённы цэнтр культуры» Усе правы абаронены
Распрацоўка: РВПЦ «Кастрычніцкі»
