За гады творчага жыцця, калектыў упрыгожваў не толькі канцэртныя праграмы Залескага Дома культуры, але і з'яўляўся пастаянным і актыўным удзельнікам гарадскіх і раённых мерапрыемстваў. У рэпертуары калектыву-самыя розныя песні: беларускія народныя, песні савецкіх кампазітараў і народныя песні ў сучаснай апрацоўцы. 5 гадоў кіраўніком калектыву З'яўляецца Лілія Мураўская, якая займаецца падборам рэпертуару, прыдумляе і ўвасабляе сцэнічныя нумары і вобразы.
На юбілейным вечары сабралася шмат гледачоў, сярод якіх прысутнічалі і ганаровыя госці, якія ў той, ці іншы перыяд працавалі з вакальнай групай "Залеснянка", прадстаўнікі аддзела культуры Смаргонскага райвыканкама, старшыня Залескага сельскага Савета. Кожны з іх прыйшоў з падарункамі і віншаваннямі.
Удзельнікі вакальнай групы «Залеснянка» падзякавалі ўсіх, хто прымаў актыўны ўдзел у арганізацыі юбілейнага вечара, усіх гасцей за цёплыя словы і падарункі, за дружныя апладысменты. Было вельмі прыемна, што дзеля гэтага вечара госці прапусцілі "Давай пажэнімся», і «Пусть говорят», што «Судьба человека» залежыць ад таго , што «Звёзды сошлись», але мы то ведаем, што «Здорово жить» нават не ў "Доме 2", а ў доме, дзе гучаць песні!