Канцэртная праграма «Фартушок бяленькі, сярпочак навенькі» пачалася ў фае Дома культуры з агульнага карагода «Ой, лука ж ты мая».Затым канцэрт працягваўся ў музейным пакоі , дзе жанчыны спявалі жніўныя і дажыначныя песні, а вядучая распавядала пра прылады працы для апрацоўкі збожжа. Выконваліся мясцовыя фальклорныя песні: «А чыё ж гэта жыта», «Ой, пайду дарогаю», «Нашы жнейкі маладыя» і іншыя. Падчас праграмы была праведзена пазнавальная віктарына «Назад, у мінулае»,падчас якой прысутныя прыпаміналі даўнейшую сялянскую працу, вясковае жыццё. Гучалі мясцовыя прымаўкі і прыказкі пра жніво і хлеб.