11 жніўня 2019 года работнікі Вішнеўскага Дома культуры запрасілі жыхароў аграгарадка Вішнева на канцэрт аматарскіх калектываў "Жыву І дыхаю, мой родны край, табою!". Вядучая праграмы Ірына Антухевич прадставіла аднагодкаў Гродзенскай вобласці - Віктара Брылеўскага і Таісію Шэкала. Выдатны летні настрой стваралі Наталля Сырай, Наталля Русак, Максім Пашук, дуэт Марыны Лукша і Ірыны Антухевич, а таксама ўдзельнікі гуртка сольнага спеву Дзіяна Цыркуновіч, Маргарыта Несцер і Дамініка Суворава. На працягу ўсяго канцэрта гледачы падпявалі артыстам і пускаліся ў скокі. Усе прысутныя атрымалі велізарны зарад бадзёрасці і адпачылі ад хатніх клопатаў.
