У словах вядучых, у музычных нумарах, якія гучалі ў выкананні народнага фальклорнага калектыву "Валэйчанка" скразной ніткай гучала ўдзячнасць і любоў да роднай зямлі, да навакольных месцаў, сярод якіх-багатыя грыбныя лясы. Грыбы і былі "галоўным героямі" свята. Яны прысутнічалі ў стравах на выставах, якія былі прадстаўлены на чатырох імправізаваных падворках: "Лысая гара», «Лес Базарэўскі», «Сасновы Бор», "Пабалі", у тэатралізаваным прадстаўленні, песнях, гульнях і конкурсах. Пераможцамі конкурса на лепшую арыгінальную страву з грыбоў сталі Яніна Стурліс, Наталля Паўлянок, Аляксандра Харко, Галіна Раціна, Дыяна Корсак. Усе ўдзельнікі былі ўзнагароджаны падарункамі і прызамі. Парадавалі гледачоў выступленні артыстаў з Сольскага Дома культуры і Кушлянскага сельскага клуба, а таксама прафесійнага спевака, аўтара песень і шоўмена Дзяніса Дзямідава.
