Вёска Абрамаўшчына -3, адзін з самых аддалённых населеных пунктаў у зоне абслугоўвання Лешчаняцкага сельскага клуба, у якім пражываюць у асноўным людзі сталага ўзросту і ў выхадныя дні завітваюць дачнікі.
На канцэрт жа завіталі ўсе жыхары вёскі, з кожнай хаты.У выкананні артыстаў гучалі не толькі сур’ёзныя песні ваеннай тэматыкі, але і ўсім вядомыя вясёлыя песні. Пад песню “Лёнечка” прысутныя нават не змаглі ўседзець на месцы і кінуліся ў пляс. Вяскоўцы былі вельмі ўдзячны артыстам і шчыра дзякавалі ім, а асабліва юнаму ўдзельніку сольных спеваў Алегу Кажарновічу.Сустрэча была вельмі цёплай і прыемнай.Жыхары Абрамаўшчыны запрасілі артыстаў яшчэ раз завітаць да іх ў госці.