Летні адпачынак для дзяцей з летняга лагера “Вясёлка”, які дзейнічае пры дзяржаўнай установе пдукацыі “Залескі яслі – сад –сярэдняя школа”, пачаўся з творчай сустрэчы з майстрам па кераміцы Сяргеем Нагаевым, якая была праведзена 7 чэрвеня на тэрыторыі аддзела традыцыйнай культуры “Раённы Дом рамёстваў”.
Для наведвальнікаў груп “Кропелькі” і “Сонечныя зайчыкі” таленавіты ганчар правеў майстар-клас “Гліняная казка”,у якім дзеці прынялі самы актыўны ўдзел. Кожны з удзельнікаў сваімі рукамі вырабіў сувенір “Птушка” і “Кветка”. Задаволеныя і з вясёлым настроем вярталісдзеці ў лагер.