Наступіў самы цудоўны час года - вясна! Ласкавае і доўгачаканае сонейка растапіла снег і ўсміхнулася ўсім жанчынам на зямлі! 6 сакавіка напярэдадні гэтага выдатнага свята Дня жанчын, у аддзеле культуры і вольнага часу "Вішнеўскі Дом культуры" адбылася святочная канцэртная праграма "Цяпло сэрцаў для нашых мам" з удзелам гурткоўцаў Дома культуры. Артысты павіншавалі ўсіх прысутных жанчын са святам і пажадалі ім усяго самага добрага, прыгожага, чароўнага і сонечнага, а таксама парадавалі гледачоў тэматычнымі музычнымі нумарамі, мініяцюрамі і вершамі.
