Яго арганізатары пастараліся перагарнуць самыя адметныя старонкі гісторыі в.Валэйкавічы і рэгіёну, успомніць людзей, з імёнамі якіх связана гэта гісторыя. Гучалі цёплыя, пранікнёныя словы ў адрас былых кіраўнікоў мясцовай гаспадаркі і тых, хто стаяў ля вытокаў стварэння мясцовых аматарскіх калектываў мастацкай творчасці. Менавіта ад спрадвечных крыніц творчасці народнай бярэ свой выток адзін са старэйшых фальклорных калектываў Смаргонскага раёна – народны фальклорны калектыў “Валэйчанка, нязменны кіраўнік - Марыя Станіславаўна Будзько! Сапраўдны прыгожыя, спеўныя, працавітыя і руплівыя жанчынкі, носьбіты багатай песеннай скарбніцы фальклору, цудоўныя спявачкі, якімі па праву можа ганарыцца Смаргоншчына! У іх цудоўным выкананні прагучалі беларускія народныя песні і аўтарскія песні М.Будзько. Парадавалі гледачоў юныя жыхары вёскі. Дзеці не толькі спявалі, але і па-майстэрску танчылі на імправізаванай пляцоўцы. Шчырымі апладысментамі сустракалі вяскоўцы гасцей – творчыя калектывы Кушлянскага сельскага клуба, Бялкоўшчынскага і Сольскага Дамоў культуры.
Са святам вяскоўцаў павіншавалі галоўны спецыяліст па ідэалагічнай рабоце КСУП “АграСолы” Куніцкая Наталля Іванаўна і старшыня Сольскага сельскага Савета Мірскі Міхаіл Фёдаравіч .
Як на кожным свяце вёскі, ушаноўвалі старэйшую жыхарку вёскі – Роля Яніну Іванаўну, а таксама гаспадароў лепшых двароў - Пацэвіч Тэрэзу Іванаўну і Алехна Таццяну Барысаўну
Аформіць і ўпрыгожыць пляцоўку сваімі вырабамі дапамагла таленавітая зямлячка - майстрыха Аксана Алехна. Цудоўную выпечку і святочны каравай падрыхтавала да свята Тышко Ванда Міхайлаўна.
Свята ў Валэйкавічах удалося – вяскоўцы шчыра дзякавалі яго арганізатарам!
"День Победы" через:
00
