Спецыялісты аддзела культуры і вольнага часу “Вішнеўскі Дом культуры” падрыхтавалі праграму, якая складалася з двух частак. У першай прагучалі музычныя творы аб Беларусі, яе людзях, працаўніках хлебных ніў. У другую частку ўвайшлі сучасныя эстрадныя нумары. Сваё майстэрства аднавяскоўцам дарылі салісты Ірына Антухевіч, Анастасія Сідаровіч, жаночая вакальная група, удзельнікі клубных фарміраванняў Дома культуры. Іх выканальніцкае майстэрства нікога не пакінула раўнадушным – гледачы доўга не хацелі адпускаць з пляцоўкі мясцовых артыстаў!