Каляды - гэта цудоўнае свята, якое традыцыйна збірае вакол сябе шматлікіх жыхароў аграгарадка Вішнева.
25 снежня работнікі аддзела культуры і вольнага часу «Вішнеўскі Дом культуры» правялі для аднавяскоўцаў абрад «Калядкі», а 26 снежня запрасілі ўсіх на свята «Каляды ў коле сяброў» і святочны канцэрт «Калядная зорка». «Сёння мы сабраліся на свята радасці ўсіх людзей. Падзея, з'яўленне на Свет Ісуса, выратавальніка чалавецтва, унесла мноства традыцый у наша жыццё. Адна з іх - гэта наш сённяшні калядны канцэрт, які мы пачынаем з прыгожых і светлых песень»- такімі словамі пачала святочную сустрэчу вядучая праграмы Ала Дыро. З віншаваннямі да прысутных звярнуліся ксёндз касцёла святога Тадэвуша Антон Казлоўскі і старшыня Вішнеўскага сельскага Савета Святлана Махнач. Святочны настрой падарылі жыхарам аг. Вішнева ўдзельнікі касцельнага хору, дзіцячая вакальная група «Весялінка», удзельнікі гуртка сольных спеваў, дуэт Сідаровіч. Калядныя мерапрыемствы ў чарговы раз пацвердзілі, што добрая песня застаецца галоўным сімвалам любога свята і заўсёды спрыяе добраму настрою людзей.
"День Победы" через:
00
