24 лютага мясцовыя артысты запрасілі аднавяскоўцаў на канцэртную праграму пад назвай «Нашы абаронцы», прымяркаваўшы яе да Дня Абаронцаў Айчыны і Узброеных Сіл Рэспублікі Беларусь. Канцэртная праграма стала своеасаблівай творчай справаздачай клубных фарміраванняў Дома культуры перад гледачамі і журы агляду-конкурсу. У канцэртнай праграме – выступленні салістаў, дуэтаў, трыо, квартэта. Гучалі цёплыя словы віншаванняў у адрас мужчын, а ўдзельніцы аматарскага тэатра мініяцюр «Весялухі» выступілі ў ролях «маёра» і «радавога» і праводзілі з гледачамі гульнёвыя моманты. Нікога не пакінула абыякавым выступленне ўдзельнікаў дзіцячага гуртка сольных спеваў «Вясёлыя ноткі», асабліва сэрцы ўсіх пакарыў пяцігадовы Дамір Апанасович, які шчыра і кранальна чытаў вершы. Гучнымі апладысментамі сустракалі ўдзельніц аматарскага аб'яднання для пажылых людзей Ю. Грудзіна і В. Жук, якія выканалі песню А. Шыдлоўскага «Колькі ў небе зор», і якім падпявала ўся зала. А музычная кампазіцыя «Бессмяротны полк», у ходзе якой выносіліся фатаграфіі загінуўшых падчас Вялікай Айчыннай вайны воінаў-землякоў, закранула сэрцы ўсіх прысутных. Гледачы цёплымі апладысментамі сустракалі кожны нумар праграмы, якая прайшла на адным дыханні.
У заключэнне слова было прадастаўлена старшыні журы агляду-конкурсу, начальніку аддзела культуры Смаргонскага райвыканкама Т. Ражэвай і старшыні Каранеўскага сельскага савета С. Гаспадаровой, якія падзякавалі артыстаў і гледачоў.
Более подробная информация по ссылке Смотр художественной самодеятельности прошёл в Белковщинском Доме культуры