Дзяржаўная ўстанова культуры
«Смаргонскі раённы цэнтр культуры»

Цэнтры дружалюбнага стаўлення да падлеткаў

(інфармацыя паводле дадзеных сайта:

http://junior.by/44-adresa-centrov-druzhestvennyx-podrostkam.html )

Гродзенская вобласць

ЦДМ «Кантакт» філіял УАЗ «Гродзенская цэнтральная гарадская

паліклініка» дзіцячая паліклініка №2

г. Гродна, вул. Гагарына, 18, тэл. 8 (0152) 96-44-66

ЦДМ «Пазітыў» г. Гродна, тэл. 8 (0152) 74-22-82

Народны тэатральны калектыў «СМОЛТ»

Кіраўнік – Сяменава Вольга, тэлефон: (01592)28819

Тэатральны калектыў "СМОЛТ" створаны ў 2020 годзе на базе Смаргонскага раённага цэнтра культуры. Яго ўдзельнікамі з'яўляюцца вучні, рабочыя, выкладчыкі. Асноўная мэта дзейнасці тэатральнага калектыву - выяўленне таленавітых удзельнікаў, стварэнне спрыяльных умоў для развіццё іх здольнасцей. Удзельнікі калектыву праходзяць навучанне па розных напрамках тэатральнага жанру: акцёрскаму майстэрству, сцэнічнай мове, сцэнічнаму руху. У творчай скрыначцы "СМОЛТа" - 15 спектакляў, літаратурна-драматычныя кампазіцыі, шматлікія інсцэніроўкі. Аўтарам многіх п'ес з'яўляецца сама кіраўнік калектыву.

Таленавітыя ўдзельнікі актыўна дэманструюць сваё майстэрства на шматлікіх раённых мерапрыемствах. Любімыя смаргонскаму гледачу навагоднія спектаклі заўсёды збіраюць поўныя залы і выклікаюць самыя станоўчыя эмоцыі. Калектыў прымае актыўны ўдзел у конкурсах і фестывалях розных узроўняў: раённых, абласных, рэспубліканскіх, міжнародных, дзе займае прызавыя месцы.

У 2024 годзе тэатральнаму калектыву было прысвоена званне "народны".

У 2025 годзе калектыў узнагароджаны дыпломам ГРАН-ПРЫ Міжнароднага конкурсу-фестывалю мастацтваў «Вершина таланта», дыпломам лаўрэата I ступені ў Міжнародным шматжанравым конкурсе мастацтваў «Звонче капели», дыпломам лаўрэата III ступені ў Міжнародным фестывалі-конкурсе мастацтваў «Звезда таланта», дыпломам лаўрэата I ступені ў Міжнародным конкурсе-фестывалі мастацтваў «АРТ-ПРЕМЬЕР», у намінацыі «Лепшая жаночая роля» перамогу атрымала актрыса калектыву Анастасія Гадалава за бліскучае выкананне ролі ў спектаклі «Кушать подано» на XII адкрытым тэатральным фестывалі імя А. Д. Папанова.

Народны фальклорны калектыў "Кужэліца"

Кіраўнік – Наталля Руткоўская, тэлефон: (01592)97565

Народны фальклорны калектыў "Кужэліца" - найстарэйшы самабытны калектыў Смаргонскага раёна. Сваю творчую дзейнасць пачаў у 1949 годзе пры Шутавіцкім сельскім Доме культура. За высокі мастацкі ўзровень і выканальніцкае майстэрства ў 1992 годзе яму было прысвоена званне «народны». З 2013 года дзейнічае пры філіяле «Сінькоўскі Дом культуры». Калектыў з'яўляецца носьбітам традыцый па адраджэнні святочнай каляндарнай абраднасці. У яго рэпертуары - песні святаў народнага календара, сямейна-бытавога напрамку, беларускія народныя песні. У 2022 годзе ў сувязі са змяненнем складу калектыву народны фальклорны калектыў вёскі Шутавічы быў перайменаваны ў народны фальклорны калектыў «Кужэліца».

У 2025 годзе калектыў узнагароджаны дыпломам лаўрэата III ступені у Міжнародным фестывалі мастацтваў «Веска Fest», дыпломам за ўдзел у абласным фестывалі рэгіянальнага фальклору «Панямоння жыватворныя крыніцы».

Народны ансамбль песні і танца ім. М. К. Агінскага

Кіраўнік - Тамара Валчанкова, тэлефон: (01592)28819
Балетмайстар - Івона Будай, тэлефон: (01592)28819

Ансамбль песні і танца створаны ў 1964 годзе на базе харавога і танцавальнага калектываў, якія існавалі з 1947 і 1948 года адпаведна. У 1967 годзе ансамблю было прысвоена званне "народны". Яго ўдзельнікамі з'яўляюцца навучэнцы, рабочыя, педагогі, пенсіянеры, творчыя жыхары г. Смаргонь ва ўзросце ад 15 да 78 гадоў. Гэтыя адораныя, актыўныя і ініцыятыўныя людзі ствараюць непаўторную творчую атмасферу. У рэпертуары калектыву налічваецца больш за 200 розных твораў, якія пастаянна імкнуцца папаўняць і самі ўдзельнікі. За час існавання ансамбля вынікам плённай працы яго ўдзельнікаў стала мноства ўзнагарод міжнароднага, рэспубліканскага і абласнога значэння.

У 2025 годзе калектыў паспяхова пацвердзіў званне «народны». Узнагароджаны дыпломам лаўрэата I ступені Усерасійскага конкурсу-фестывалю мастацтваў «Конфетти искусств», дыпломам I ступені ў намінацыі "Вакальнае мастацтва" на X адкрытым фестывалі праваслаўнай культуры «Пасхальный перезвон», дыпломам лаўрэата I ступені з творам «Живи и процветай, родная Беларусь» на Міжнародным конкурсе-фестывалі мастацтваў «Кубок Виктории», дыпломам лаўрэата I ступені на Усерасійскім конкурсе-фестывалі мастацтваў «Навстречу талантам».

У 2026 годзе ўзнагароджаны дыпломам лаўрэата I ступені на Усерасійскім конкурсе-фестывалі мастацтваў «АРТ-Империя», дыпломам лаўрэата I ступені на Усерасійскім конкурсе-фестывалі мастацтваў «Навстречу талантам».

Народны фальклорны калектыў «Валэйчанка»

Кіраўнік – Наталля Гізулеўская, тэлефон: (01592)90640

Народны фальклорны калектыў “Валэйчанка” пачаў сваю творчасць у 1976 годзе. У 1991 годзе яму было прысвоена званне “народны”. Калектыў з'яўляецца носьбітам фальклорнай спадчыны рэгіёна. У рэпертуары калектыву больш за 100 беларускіх народных песень. Сярод іх – песні народнага календара і побытавыя песні. Ёсць у калектыве і свае носьбіты аўтэнтычнай песні, якую яны шляхам вуснай перадачы перанялі ад сваіх продкаў і даносяць разам з маладымі выканаўцамі да сучаснага слухача.

Нягледзячы на пажылы ўзрост удзельніц калектыў вядзе актыўную творчую дзейнасць і з'яўляецца пастаянным удзельнікам культурна-масавых мерапрыемстваў горада і раёна.

У 2025 годзе паспяхова пацвердзіў званне "народны", узнагароджаны дыпломам лаўрэата I ступені Усерасійскага конкурсу-фестывалю мастацтваў «Конфетти искусств», дыпломам лаўрэата I ступені Міжнароднага конкурсу-фестывалю мастацтваў "Вершина таланта", дыпломам лаўрэата I ступені Міжнароднага конкурсу-фестывалю мастацтваў «Мозаика Искусств. Память, которая объединяет», дыпломам лаўрэата II ступені ў абласным фестывалі рэгіянальнага фальклору «Панямоння жыватворныя крыніцы», дыпломам лаўрэата II ступені ў намінацыі «Вакальна-інструментальны жанр» на II Міжнародным шматжанравым конкурсе мастацтваў «Ритмы золотой осени», дыпломам лаўрэата II ступені на Міжнародным творчым фестывалі-конкурсе «BalKon-2025».

У 2026 годзе народны фальклорны калектыў «Валэйчанка» узнагароджаны дыпломам лаўрэата I ступені ў VII Міжнародным шматжанравым конкурсе «Весенние таланты - 2026».

Народны ансамбль песні "Вечарынка"

Кіраўнік - Алена Давыдзенкава, тэлефон: (01592)90641

Народны ансамбль песні “Вечарынка” быў створаны ў 1998 годзе як фальклорны ансамбль песні і танца. У 2003 годзе яму было прысвоена званне “народны”. Творчасць гэтага калектыву – лагічнае працягванне і развіццё культурных традыцый, якія сфарміраваліся на Смаргоншчыне на працягу стагоддзяў. Унікальная музычна-абрадавая спадчына ўвасобілася ў шматлікіх канцэртных праграмах калектыву, аб’ядноўваючы песню, музыку і танец, аднаўляючы традыцыйны пласт нацыянальнай культуры. У рэпертуары калектыву – беларускія народныя песні, песні беларускіх аўтараў, народныя танцы Жодзішкаўскага рэгіёну і Смаргоншчыны. Калектыў удзельнічае ва многіх абласных, рэспубліканскіх і міжнародных конкурсах і фестывалях.
Рэпертуар калектыву пастаянна папаўняецца новымі вакальна-харэаграфічнымі кампазіцыямі. Яго разнастайнасць і таленавітыя салісты прынеслі "Вечарынцы" шырокую вядомасць не толькі на Смаргоншчыне, але і за яе межамі. Калектыў з'яўляецца частым і жаданым госцем у суседніх раёнах Гродзенскай і Мінскай вобласці. У 2019 годзе калектыў быў перайменаваны ў народны ансамбль песні "Вечарынка".

У 2025 годзе паспяхова пацвердзіў званне "народны", узнагароджаны дыпломам лаўрэата I ступені Усерасійскага конкурсу-фестывалю мастацтваў «Серпантин искусств», дыпломам лаўрэата I ступені Усерасійскага конкурсу-фестывалю мастацтваў «Конфетти искусств», дыпломам лаўрэата II ступені V Міжнароднага фестывалю мастацтваў «Musical star of Slovenia – 2025», дыпломам лаўрэата I ступені ў Міжнародным конкурсе-фестывалі мастацтваў «Мозаика искусств. Память, которая объединяет», дыпломам лаўрэата III у VI Міжнародным шматжанравым конкурсе «LetoStar–2025», дыпломам лаўрэата III у Міжнародным фестывалі-конкурсе "РАДУГА НАД ВІЦЕБСКАМ", дыпломам лаўрэата I ступені на Міжнародным конкурсе-фестывалі мастацтваў «Кубок Виктории».

У 2026 годзе ўзнагароджаны дыпломам лаўрэата I ступені на Усерасійскім конкурсе-фестывалі мастацтваў «АРТ-Империя», дыпломам лаўрэата I ступені на Усерасійскім конкурсе-фестывалі мастацтваў «Навстречу талантам».

Народны цымбальны аркестр імя А.А. Дзяругі

Кіраўнік - Вольга Грагоўская, тэлефон: (01592)46355
Кіраўнік - Ларыса Кліменок, тэлефон: (01592)28819

Аркестр цымбалістаў г. Смаргонь быў створаны ў 1948 годзе заслужаным дзеячам культуры БССР А.А. Дзярюга, які з’яўляўся яго нязменным дырыжорам да 1973 года. А.А. Дзярюга – аўтар шэрагу песень і танцаў, якія выконваюць самадзейныя калектывы Смаргоншчыны. У рэпертуары аркестра – беларуская народная музыка, творы беларускіх кампазітараў, сучасныя творы. У 1964 годзе аркестру прысвоена званне «народны». У 2023 годзе калектыў адзначыў 75-годдзе з дня стварэння.

У 2025 годзе паспяхова пацвердзіў званне "народный", узнагароджаны дыпломам лаўрэата I ступені Усерасійскага конкурсу-фестывалю мастацтваў «Серпантын мастацтваў», дыпломам лаўрэата I ступені Усерасійскага фестывалю-конкурсу мастацтваў «Траектория таланта», дыпломам лаўрэата I ступені Усерасійскага конкурсу-фестывалю «Талантливая страна», дыпломам лаўрэата I ступені ў Міжнародным конкурсе-фестывалі мастацтваў «WOW ART AWARDS», дыпломам лаўрэата I ступені Міжнароднага конкурсу-фестывалю мастацтваў Мозаика Искусств. Память, которая объединяет», дыпломам лаўрэата I ступені ў Міжнародным конкурсе-фестывалі мастацтваў «Вершина таланта», ГРАН-ПРЫ фестывалю-конкурсу ў Міжнародным фестывалі-конкурсе мастацтваў «Звезда таланта», дыпломам лаўрэата I ступені з кампазіцыяй «Руская мазаіка» на Міжнародным конкурсе-фестывалі мастацтваў «Кубок Виктории».

У 2026 годзе ўзнагароджаны дыпломам ГРАН-ПРЫ на Усерасійскім конкурсе-фестывалі мастацтваў «АРТ-Империя», дыпломам I ступені ў абласным фестывалі-конкурсе калектываў інтсрументальнага жанру «Мелодыi Гродзеншчыны».

Народны тэатр лялек «Батлейка»

Кіраўнік - Таццяна Несцюрына, тэлефон: (01592)97566

Народны тэатр лялек «Батлейка», які дзейнічае пры філіяле «Залескі Дом культуры» з 1983 года, пачаў сваю дзейнасць як гурток лялек. У 1985 годзе за пастаноўку спектакля «Цар Ірад» яму было прысвоена званне «народны». Тэатр лялек «Батлейка» не страціў сваёй унікальнасці, яго артысты пастаянна знаходзяцца ў творчым пошуку.

Акрамя традыцыйных пастановак на рэлігійныя тэмы, у рэпертуары тэатра – камедыі, бытавыя сцэны, гістарычныя, філасофскія, этнічныя, інтэрактыўныя спектаклі, сучасныя містэрыі і казкі.
За дасягнутыя поспехі ў творчай дзейнасці і ўдзел у фестывалях і конкурсах ўдзельнікі тэатра лялек «Батлейка» неаднаразова ўзнагароджваліся ганаровымі граматамі і дыпломамі. Калектыў пастаянна ўдасканальвае свой мастацкі ўзровень.

У 2024 годзе ўзнагароджаны дыпломам I ступені II Рэспубліканскага шматжанравага конкурсу мастацтва «Васільковы небасхіл», дыпломам ГРАН-ПРІ V Міжнароднага фестывалю мастацтваў «Вёска fest - 2024», дыпломам лаўрэата I ступені IV Міжнароднага дыстанцыйнага конкурсу тэатральнага і харэаграфічнага мастацтва «MESSA IN SCENA».

У 2025 годзе ўзнагароджаны дыпломам III ступені IX адкрытага рэгіянальнага фестывалю батлеечных тэатраў "Чароўны свет батлейкі", дыпломам лаўрэата I ступені Міжнароднага конкурсу-фестывалю мастацтваў "Вершина таланта", дыпломам «Лаўрэат I ступені» Усерасійскага конкурсу-фестывалю «Конфеці мастацтваў», дыпломам сімпатый гледачоў на X адкрытым фестывалі праваслаўнай культуры «Пасхальный перезвон», дыпломам лаўрэата I ступені на VI Міжнародным творчым фестывалі-конкурсе «BalKon-2025».

Народны тэатр гульні «Завадатар»

Кіраўнік – Вольга Крывянкова, тэлефон: (01592)37314

У 2001 годзе тэатру гульні «Завадатар», які дзейнічаў пры раённым метадычным цэнтры народнай творчасці, было прысвоена званне «народны». Ён удзельнічаў у шматлікіх абласных фестывалях і конкурсах гульнявых забаўляльных праграм, дзе майстэрства ўдзельнікаў ацэньвалася высока.

У 2006 годзе – Гран-пры абласнога адкрытага фестывалю гульні «Карнавал весялосці» (г. Воранава). У 2008 годзе – Гран-пры Рэспубліканскага фестывалю народнага гумару «Аўцюкі – 2008». У 2009 годзе – Дыплом I ступені на абласным адкрытым фестывалі гульні «Карнавал весялосці» (г. Воранава). У 2010 годзе – удзел у VIII Рэспубліканскім фестывалі нацыянальных культур (г. Гродна).
Народны тэатр гульні “Завадатар” аб’ядноўвае лепшых культарганізатараў раёна, з’яўляецца ініцыятарам і арганізатарам традыцыйнага раённага агляду-конкурсу “Гульнёвы калейдаскоп”. На адкрытым абласным фестывалі гульні "Карнавал весялосці", які адбыўся 18 верасня 2021 г. у г.п. Воранава, народны тэатр гульні "Завадатар" быў узнагароджаны дыпломам лаўрэата I ступені. Спецыяльную ўзнагароду за лепшую аўтарскую працу атрымала кіраўнік тэатра – Вольга Крывянкова.

У 2022 годзе тэатр у чарговы раз пацвердзіў званне «народны». У 2024 годзе ўдзельнікі атрымалі дыплом I ступені на абласным адкрытым фестывалі гульні «Карнавал весялосці». У 2025 годзе атрымалі 2 дыпломы лаўрэата I ступені на Міжнародным конкурсе-фестывалі мастацтваў «Кубок Виктории».

Народны ансамбль народнай песні «Хутарок»

Кіраўнік – Дар’я Кавалёва, тэлефон: (01592)28819

Фальклорны калектыў «Хутарок» створаны ў 2000 годзе. У 2004 годзе яму было прысвоена званне «народны». У рэпертуары ансамбля – народныя песні і танцы, песні беларускіх і рускіх аўтараў, фальклорныя замалёўкі.

У сакавіку 2024 «Хутарок» удзельнічаў у выставе, прысвечанай Дням Гродзенскай вобласці на ВДНГ у Маскве. Калектыў прадставіў Гродзенскі рэгіён і сваімі песнямі паказаў любоў да роднага краю! У чэрвені 2024 года народны ансамбль народнай песні «Хутарок» узнагароджаны дыпломам лаўрэата I ступені II Міжнароднага конкурсу мастацтваў "Купальская зорка". У жніўні 2024 года ансамбль стаў лаўрэатам III ступені адкрытага конкурсу аматарскіх калектываў і вакальных ансамбляў "КаверХорШоу" у рамках міжнароднага фестывалю этнакультурных традыцый "Зов Полесья", дыпломам лаўрэата I ступені Міжнароднага конкурсу-фестывалю мастацтваў «АРТ-ПРЕМЬЕР».

У 2025 годзе ўзнагароджаны дыпломам лаўрэата I ступені Усерасійскага конкурсу-фестывалю мастацтваў «Серпантин искусств», дыпломам ГРАН-ПРІ Усерасійскага фестывалю-конкурсу мастацтваў «Траектория таланта», дыпломам «Лаўрэат I ступені» XI Рэспубліканскага адкрытага конкурсу маладых выканаўцаў «Беларускія таленты 2025», дыпломам лаўрэата I ступені VI Міжнароднага шматжанравага конкурсу «LetoStar–2025», дыпломам у адкрытым конкурсе аматарскіх хораў і вакальных ансамбляў народнай манеры выканання «КаверХорШоу», дыпломам лаўрэата I ступені на Міжнародным фестывалі-конкурсе мастацтваў «Зорка таленту», дыпломам лаўрэата I ступені на Міжнародным конкурсе-фестывалі мастацтваў «Кубок Виктории».

Узорны фальклорны калектыў "Кропелькі"

Кіраўнік - Лілія Мураўская, тэлефон: (01592)28819

Фальклорны дзіцячы калектыў “Кропелькі” існуе пры Валейкаўскім Доме фальклору з 1986 года і з’яўляецца пераемнікам абрадава-песянных традыцый народнага фальклорнага калектыву «Валэйчанка». У 1998 годзе калектыву прысвоена ганаровае званне «узорны». З пачатку 2022 года базай дзейнасці калектыву з’яўляецца дзяржаўная ўстанова культуры "Смаргонскі раённы цэнтр культуры".

За час сваёй творчай дзейнасці калектыў не толькі пераняў песенна-фальклорную спадчыну старэйшых, але і ўзбагаціў рэпертуар мясцовымі народнымі гульнямі, бытавымі танцамі, тэатралізаванымі прадстаўленнямі.

Узорны тэатр народнай песні «Кропелькі» – актыўны ўдзельнік усіх культурна-масавых мерапрыемстваў рэгіёну.

У 2022 годзе пацвердзіў званне «узорны».

У 2024 годзе ўзнагароджаны дыпломам лаўрэата III ступені IV адкрытага рэгіянальнага шматжанравага фестывалю-конкурсу «Гуляй, Масленица!», дыпломам лаўрэата I ступені Усерасійскага конкурсу-фестывалю мастацтваў "Навстречу талантам", дыпломам лаўрэата III ступені VI Міжнароднага шматжанравага фестывалю "Белавежская зорка", дыпломам лаўрэата III ступені на I абласным конкурсе нацыянальнага фальклору “Крыніца жыцця” ў г. Гродна, дыпломам лаўрэата I ступені Усерасійскага конкурсу-фестывалю мастацтваў "Серпантин искусств", дыпломам адкрытага дзіцячага фестывалю беларускай творчасці “Скарбы роднага краю”, дыпломам лаўрэата I ступені Міжнароднага фестывалю-конкурсу «На Олимпе», дыпломам лаўрэата II ступені Усерасійскага конкурсу-фестывалю мастацтваў "Арт Империя", дыпломам III ступені ў абласным фестывалі традыцыйнай культуры "Скарбы Гродзеншчыны" у намінацыі "Лепшы дзіцячы фальклорны калектыў”, дыпломам лаўрэата III ступені Міжнароднага конкурсу-фестывалю мастацтваў «АРТ-ПРЕМЬЕР».

У 2025 годзе пацвердзіў званне «узорны», ўзнагароджаны дыпломам лаўрэата I ступені Усерасійскага фестывалю-конкурсу мастацтваў «Траектория таланта», дыпломам лаўрэата I ступені Усерасійскага конкурсу-фестывалю мастацтваў «Конфетти искусств», дыпломам лаўрэата II ступені Усерасійскага конкурсу-фестывалю мастацтваў «Талентлівая краіна», дыпломам лаўрэата II ступені Міжнароднага конкурсу-фестывалю мастацтваў «WOW ART AWARDS», сертыфікатам удзельніка вясновага лонгмобу #агу_вясна_агу_красна ў анлайн-фестывалі «КАЛЯНДАРНЫ СОНЦАКРУГ», дыпломам лаўрэата II ступені Міжнароднага конкурсу-фестывалю мастацтваў «Вершина таланта», дыпломам лаўрэата I ступені на Міжнародным фестывалі-конкурсе мастацтваў «Звезда таланта», дыпломам лаўрэата II ступені ў абласным фестывалі рэгіянальнага фальклору «Панямонне жыватворныя крыніцы», дыпломам лаўрэата I ступені з кампазіцыяй «Дзетвара вясковая» на Міжнародным конкурсе-фестывалі мастацтваў «Кубок Виктории».

Народная эстрадная студыя «Міраж»

Кіраўнік – Іна Харко, тэлефон: (01592)46355

Народная эстрадная студыя «Міраж» існуе з 2002 года. У 2008 годзе ёй прысвоена званне «народная эстрадная студыя». Мэта яе стварэння – развіццё творчага патэнцыялу ўдзельнікаў, фарміраванне музычна-эстэтычнай культуры эстрадных выканаўцаў. Студыя зарэкамендавала сябе як творчы калектыў, у якім вялікая ўвага надаецца развіццю вакальных даных удзельнікаў. Доказ гэтага – удзел у раённых і абласных фестывалях эстраднага мастацтва, міжнародных і рэспубліканскіх конкурсах-фестывалях.

У 2024 годзе салістка студыі «Міраж» Анастасія Архірэева ўзнагароджана дыпломам лаўрэата I ступені Міжнароднага конкурсу выканальніцкіх відаў мастацтваў «#СЯБРЫ» (г. Мінск), таксама дыпломам лаўрэата II ступені ў тым жа конкурсе ўзнагароджана салістка Вікторыя Гневышева. Народная эстрадная студыя «Міраж» узнагароджана дыпломам XXIII Нацыянальнага фестывалю беларускай песні і паэзіі “Маладзечна-2024”, дыпломам за III месца ў намінацыі "Эстрадная песня" ў рэгіянальным моладзевым open-air фестывалі "Дружба без границ" (Г. Карэлічы), дыпломам лаўрэата II ступені адкрытага рэспубліканскага фестывалю-конкурсу «Единство» (г. Мінск) – салістка Наталля Шэстакова.

У 2025 годзе ўзнагароджаны дыпломам лаўрэата I ступені VIII Міжнароднага конкурсу выканальніцкіх відаў мастацтваў «#СЯБРЫ - 2025», салістка Вікторыя Гневышева – дыплом лаўрэата I ступені, салістка Мілана Кастусік – дыплом лаўрэата II ступені.

Народны хор ветэранаў

Кіраўнік – Аляксандр Лях, тэл.: (01592)46355
Хармайстар – Аляксандра Казакевіч, тэл.: (01592)28819

Народны хор ветэранаў пачаў дзейнічаць пры дзяржаўнай установе культуры «Смаргонскі раённы цэнтр культуры» з 2017 года ў адпаведнасці з рашэннем калегіі галоўнага ўпраўлення ідэалагічнай работы, культуры і па справах моладзі Гродзенскага аблвыканкама №23 ад 20.12.2016 г., з адначасовай зменай базы дзейнасці народнага хору ААТ «Смаргонскі завод аптычнага станкабудавання». На працягу ўсяго часу сваёй дзейнасці (з 1976 года) народны хор быў адным з лепшых самадзейных калектываў Смаргоншчыны. І сёння любоў да песні цесна аб’яднала ветэранаў прадпрыемстваў, арганізацый і ўстаноў горада, для якіх песня стала надзейным спадарожнікам у жыцці. У рэпертуары калектыву – творы вядомых беларускіх і рускіх аўтараў, беларускія і рускія народныя песні, аўтарскія песні.

У 2024 годзе народны хор ветэранаў ДУК «Смаргонскі раённы цэнтр культуры» узнагароджаны дыпломам на абласным фестывалі-конкурсе ветэранскіх калектываў «Не стареют душой ветераны», дыпломам лаўрэата II ступені ў Міжнародным шматжанравым фестывалі-конкурсе «Millennium», дыпломам лаўрэата II ступені Міжнароднага конкурсу-фестывалю мастацтваў «АРТ-ПРЕМЬЕР».

У 2025 годзе ўзнагароджаны дыпломам лаўрэата I ступені Усерасійскага конкурсу-фестывалю мастацтваў «Серпантин искусств», дыпломам «Лаўрэат I ступені» ў Усерасійскім конкурсе-фестывалі мастацтваў «Талантливая страна», дыпломам за ўдзел у абласным фестывалі народнай творчасці ветэранскіх калектываў «Не стареют душой ветераны», дыпломам удзельніка ў X адкрытым фестывалі праваслаўнай культуры «Велікодны перазвон», дыпломам лаўрэата I ступені на адкрытым харавым фестывалі-конкурсе «Лидский ХОР-ФЭСТ», дыпломам лаўрэата I ступені ў Міжнародным фестывалі-конкурсе мастацтваў «Звезда таланта», дыпломам лаўрэата I ступені на Міжнародным конкурсе-фестывалі мастацтваў «Кубок Виктории».

АСНОЎНЫЯ МЭТЫ ДЗЕЙНАСЦІ ЎСТАНОВЫ:

• забеспячэнне ўмоў комплекснага аказання паслуг культуры насельніцтву, а таксама аптымізацыя дзейнасці арганізацый культуры;
• рэалізацыя на тэрыторыі Смаргонскага раёна дзяржаўнай палітыкі ў сферы культуры, мастацтва, традыцый у іх нацыянальна-самабытных формах, пошук і раскрыццё ўнікальных талентаў;
• выхаванне нацыянальнай свядомасці грамадзян на аснове лепшых традыцый народнай мастацкай творчасці;
• выяўленне адораных дзяцей і стварэнне найбольш спрыяльных умоў для развіцця іх талентаў у іх асабістых інтарэсах;
• кваліфікацыйны пошук, збор, надзейнае захаванне, класіфікацыя і сістэматызацыя фальклорна-этнаграфічных традыцый рэгіёнаў раёна;
• выкарыстанне кінавідэафільмаў у ідэйна-палітычным, эстэтычным, інтэрнацыянальным, патрыятычным, працоўным выхаванні насельніцтва;
• прадастаўленне комплексу паслуг, якія забяспечваюць найбольш поўнае задавальненне культурных запытаў і патрэбнасцей людзей, іх актыўны адпачынак, аднаўленне фізічных і духоўных сіл;
• аказанне платных паслуг насельніцтву, пашырэнне сферы дзейнасці аказваемых паслуг.

АСНОЎНЫЯ ЗАДАЧЫ ДЗЕЙНАСЦІ ЎСТАНОВЫ:

• фарміраванне агульнай эстэтычнай і маральнай культуры;
• выкарыстанне тэатральна-забаўляльных, танцавальна-забаўляльных, інфармацыйна-выстаўкавых і іншых аб’ектаў культурна-дасугавага прызначэння ў межах тэрыторыі раёна;
• правядзенне фестываляў, аглядаў, конкурсаў калектываў па розных жанрах самадзейнай творчасці;
• развіццё народнай творчасці, стварэнне ўмоў для дзейнасці гурткоў, студый, калектываў па розных жанрах самадзейнай творчасці;
• ажыццяўленне інфармацыйнай дзейнасці, выпуск рэкламнай прадукцыі;
• правядзенне фестываляў, аглядаў, конкурсаў і ўдзел у мерапрыемствах раёна, вобласці, рэспублікі;
• арганізацыя экспедыцый, канферэнцый, семінараў;
• распрацоўка метадычных матэрыялаў па ўдасканаленні форм і метадаў у арганізацыі масавага адпачынку, павышэння яго сацыяльнай значнасці, якасці і эфектыўнасці;
• павышэнне прафесійнай кваліфікацыі, метадычнага майстэрства кадраў устаноў культуры;
• арганізацыя правядзення святаў прафесійнай накіраванасці, народнага календара.

Дзяржаўная ўстанова культуры «Смаргонскі раённы цэнтр культуры» (далей – Цэнтр) з’яўляецца ўстановай культурна-асветніцкага тыпу, якая забяспечвае рэалізацыю дзяржаўнай палітыкі ў сферы культуры на тэрыторыі Смаргонскага раёна і ажыццяўляе эстэтычна-выхаваўчыя, асветніцкія функцыі праз далучэнне шырокіх мас насельніцтва да народнай творчасці. Стварае спрыяльныя ўмовы для развіцця і рэалізацыі іх творчых здольнасцей, прафесійнага самавызначэння. Ажыццяўляе віды культурнай дзейнасці, што адпавядаюць асноўнаму віду дзейнасці розных тыпаў арганізацый культуры.

Заснавальнікам Цэнтра культуры з’яўляецца Смаргонскі раённы выканаўчы камітэт. Органам дзяржаўнага кіравання ўстановы культуры «Смаргонскі раённы цэнтр культуры» з’яўляецца аддзел культуры Смаргонскага раённага выканаўчага камітэта.

Дзяржаўная ўстанова культуры «Смаргонскі раённы цэнтр культуры» (далей – Цэнтр) – адна з устаноў культуры Смаргонскага раёна, якая мае багатую гісторыю, пачала свой шлях як Дом афіцэраў у 1965 годзе.

1 сакавіка 2015 года шляхам рэарганізацыі раённага Дома культуры, раённага метадычнага цэнтра народнай творчасці і сельскіх Дамоў культуры было створана дзяржаўная ўстанова культуры «Смаргонскі раённы цэнтр культуры» (далей – Цэнтр), у склад якой уваходзіць 11 структурных падраздзяленняў, размешчаных у сельскай мясцовасці.

Прадметам дзейнасці дзяржаўнай установы культуры «Смаргонскі раённы цэнтр культуры» (далей – Цэнтр) з’яўляецца:

• захаванне, развіццё і прапаганда лепшых дасягненняў самадзейнай народнай творчасці, арганізацыя вольнага часу насельніцтва, задавальненне культурных патрэб розных груп насельніцтва, аказанне і развіццё платных паслуг.

Сучасны Цэнтр – гэта «адзіны арганізм», які дынамічна развіваецца, выкарыстоўвае ў сваёй працы сучасныя тэхналогіі, у цесным супрацоўніцтве з усімі ўстановамі Смаргонскага раёна выконвае наступныя задачы:

• акумуляванне, апрацоўка і прадастаўленне інфармацыі аб працы клубных фарміраванняў;
• стварэнне банка даных па развіцці аматарскай творчасці;
• аказанне кансультатыўнай і метадычнай дапамогі;
• навучанне спецыялістаў структурных падраздзяленняў сучасным інфармацыйным тэхналогіям;
• выдавецкая і рэкламная дзейнасць;
• прадастаўленне насельніцтву разнастайных паслуг сацыякультурнага, адукацыйнага і забаўляльнага характару;
• арганізацыя конкурсаў, фестываляў і святаў, якія праводзяцца ў раёне.

Разам з кароткім зместам аб нашай дзейнасці вы зможаце знайсці на нашым сайце падрабязную і аператыўную інфармацыю аб калектывах аматарскай творчасці, дасягненнях, брэндавых мерапрымствах Смаргонскага раёна, культурна-дасугавай і канцэртнай дзейнасці, а таксама адрасы і тэлефоны структурных падраздзяленняў.

З мэтай павышэння ўзроўню камфортнасці знаходжання наведвальнікаў у Цэнтры функцыянуе вялікая глядзельная зала на 410 пасадачных месцаў, дзе таксама маюцца спецыяльна абсталяваныя месцы для людзей з абмежаванымі магчымасцямі, інавацыйны LED-экран і апаратура; у прасторным фае і калідорах ёсць месцы для сядзення, працуе гардэроб, у будынку ўстаноўлена сістэма відэаназірання, абсталяваны пандус і санітарныя пакоі для людзей з абмежаванымі магчымасцямі, інфармацыя аб часе правядзення найбліжэйшых мерапрыемстваў размяшчаецца на інфармацыйных стэндах.

Транспартная і пешая даступнасць будынка Цэнтра дастаткова простая для навігацыі як для жыхароў горада, так і для турыстаў. Мы заўсёды гатовыя да далейшага дыялогу і партнёрства, узаемавыгаднага супрацоўніцтва і развіцця адносін у сферы культуры і мастацтва.