Традыцыі святкавання Масленіцы сыходзяць далёка ўглыб нашай гісторыі. Але гэтак жа, як і раней, свята прынята сустракаць з размахам, з песнямі, скокамі, конкурсамі. У адну вялікую гульнёва-танцавальную, гастранамічна-забаўляльную і спартыўна-развівальную пляцоўку ператварыўся гарадскі парк. Сабраліся на ёй і дзетвара, і моладзь, і людзі больш сталага веку. Ніхто не сумаваў, кожны знайшоў забаву па душы.
