Задаў добры тон у пачатку канцэртнай праграмы Максім Пашук, які ўпершыню выканаў сваю аўтарскую песню пад назвай “Зямля мая”. Задушэўную песню пра роднае сяло пачулі гледачы ад таленавітых спявачак -Кацярыны Варанішча і Любові Брытаўчанка. Разнастайныя і цікавыя нумары прадставілі юныя жадзішкоўцы – Аліна Рогач, Ангеліна Дудзінская, а таксама дзіцячы вакальны калектыў. Уразілі гледачоў сваімі выступленнямі Валерыя Бачкарова з песняй “Села птаха” і Данііл Патрубач з Аленай Кавяка, якія прадставілі ўрывак з паэмы Я.Коласа “Сымон музыка”. Таленавітыя ўдзельнікі узорнага фальклорнага калектыва “Нальшчаначка”, пад кіраўніцтвам Кацярыны Дудзінскай, прадэманстравалі свае спеўнае і танцавальнае майстрэрствы. Цудоўным завяршэннем канцэртнай праграмы стала выступленне народнага ансамбля песні “Вечарынка”, які парадаваў гасцей новай праграмай. Пад апошнюю песню, у выкананні Андрэя Гіля, гледачы нават не стрымаліся і гучнымі апладысментамі, стоячы, аддзячылі артыстаў.
