Добрай традыцыяй у аддзеле культуры і вольнага часу аграгарадка Кальчуны стала праводзіць апошні вечар перад Вялікім постам па звычках нашых продкаў — спраўляць Загаўліны. Так і ў мясцовым Доме культуры ў Кальчунах сабраліся вяскоўцы і прыезджыя госці (сярод якіх былі і нашы дзяўчаты з “Валэйчанкі”), каб павесяліцца і папрасіць прабачэння адзін у аднаго за тое, што “саграшылі справай ці языком” – усё як у продкаў, якія не забываліся пра свае песні і танцы.
Пачаткам стала працэсія праз усю вёску з мэтай збору старых і непатрэбных рэчаў, каб іх пасля спаліць на вогнішчы.Затым, свята прадоўжылася ў Доме культуры.
Настрой у гледачоў і артыстаў быў выдатным. Мерапрыемства з забаўляльнай праграмай, гульнямі і конкурсамі дало сапраўды добры старт Вялікаму посту.