Жыхары Сінькоў і навакольных вёсак з дапамогай Сінькоўскага Дома культуры, сельвыканкама і КСУП “Сінькі” самі штогод ствараюць для сябе душэўную, цёплую, прыгожую падзею.
Дзясятае, юбілейнае свята беларускіх гаспадынь прайшло пад назвай “Рознакаляровае лета”. Каманды ўмелых, таленавітых жанчын гатавалі прысмакі адпаведных колераў, спявалі песні і прыпеўкі, чыталі вершы, стваралі букеты і дэфіліравалі ў фантазійных касцюмах. Аднавяскоўцы іх шчыра падтрымлівалі, а настрой дапамагалі ствараць мясцовыя і запрошаныя артысты.
