Свята пачалося з велапрабега “Усе мы адзіны”. Удзел у ім прымалі працуючая моладзь, школьнікі і студэнты каледжа. Далей, свята перанеслася ў гарадскі парк, дзе для гараджан адбываліся цікавыя спартыўныя мерапрыемствы, у якіх кожны жадаючы мог прыняць удзел. У гэты ж час па вуліцы Савецкай працавала пляцоўка арт-бульвару “Творчасць у адзінстве”, дзе сваёй творчасцю з жыхарамі горада дзяліліся- народны тэатр лялек “Батлейка”, моладзевы гурт гітарыстаў Смаргонскага раённага цэнтра культуры, супрацоўнікі музея-сядзібы М. К. Агінскага ў вопратцы часоў Агінскага. Ансамбль народнай музыкі “Гулянок” прадставіў гледачам-гараджанам вядомыя “Смаргонскія найгрышы”, а майстры раённага Дома рамёстваў выставы сваіх вырабаў з правядзеннем майстар-класаў. Супрацоўнікі Смаргонскага гісторыка-краязнаўчага музея шпацыравалі па бульвары з сімвалам Смаргоні – “вучоным” мядзведзем. Жадаючыя маглі прыняць удзел у пленеры, які падрыхтавала Смаргонская дзіцячая школа мастацтваў і паўдзельнічаць у конкурсах і гульнях, якія прапаноўвалі дзіцячыя бібліятэкі Смаргоні. Увечары смаргонцы сабраліся на святочным канцэрце ў летнім амфітэатры на канцэртнай праграме “Мая зямля – зямля яднання”. Удзел у ёй прынялі лепшыя творчыя калектывы Смаргоншчыны.