Вандроўнікаў чакалі ў гэты дзень шмат цікавостак: цудоўная экскурсія па сядзібе ад загадчыка музея Алеся Жамойціна; квэст-гульня па тэрыторыі сядзібы, падчас якой госці прайшліся па самых знакавых мясцінах сядзібы, каб адшукаць дэвіз Міжнароднага дня помнікаў і гістарычных мясцін; гучалі любімыя вершаваныя і празаічныя радкі з твораў Францішка Багушэвіча і іншых беларускіх паэтаў і пісьменнікаў. Напрыканцы гульні чакаў музычны сюрпрыз: ля камня “Памяці Мацея Бурачка” прагучалі песні аўтарства Алеся Жамойціна ў выкананні Ігара Кавальскага. І ўсе ўдзельнікі мерапрыемства згаділіся з тым, што вандроўкі ў такія знакавыя месцы спрыяюць увасабленню ў жыцце дэвіза Міжнароднага Дня помнікаў і гістарычных мясцін: “Захаваем нашу гістарычную Радзіму”!
