Дзяржаўная ўстанова культуры
«Смаргонскі раённы цэнтр культуры»

У жодзішкаўскім “акенцы творчасці” – канцэртная праграма “Спяшаемся павіншаваць вас”, прысвечаная Абаронцам Айчыны. Забягаючы наперад, скажу: журы адзначыла цікавы сцэнарый імпрэзы.
Прагучалі кампазіцыі пра вайну, пра Радзіму, пра каханне. Мужчынам, што сабраліся ў зале, пасылалі свае песенныя віншаванні Алена Давыдзенкава, юныя артысткі Алена Кавяка і Ксенія Мізула, дзіцячая вакальная група. Выступала і юная Ангеліна Дудзінская, удзельніца дзіцячага фальклорнага калектыву “Нальшчаначка”, якая паспела “засвяціцца” ў міжнародным фестывалі-конкурсе дзіцячай і маладзёжнай творчасці “Вясёлка над Віцебскам” (атрымала дыплом 1 ступені ў намінацыі “Вакальна-харавая творчасць”).

У праграме, якую прадставіў Сольскі Дом культуры на аглядзе-конкурсе “Распахнем акенца творчасці”, - акцэнт быў зроблены на беларускія песні. Патрыятычныя, народныя і аўтарскія. Вядомыя кампазіцыі “Гаворка беларуская”, “Шуміце бярозы”, “Вечна жыві, мая Беларусь”, “Полька-вязынка”, а яшчэ - “Смаргонскія бараначкі” (пра мясцовы брэнд песню напісала Ірына Гаева, музыку – Васіль Карпец). Выканаў гэту песню ўзорны фальклорны гурт “Кропелькі”. Дарэчы, у складзе гэтага калектыву – юны баяніст Уладзімір Рэшкевіч, які атрымаў матэрыяльную дапамогу са спецыяльнага фонду Прэзідэнта Рэспублікі Беларусь па падтрымцы таленавітай моладзі.

Напярэдадні Дня абаронцаў Айчыны і Узброеных Сіл Рэспублікі Беларусь у раённым Цэнтры культуры адбылася ўрачыстасць. Ад імя раённага выканаўчага камітэта і райсавета дэпутатаў удзельнікаў мерапрыемства павіншавала са святам начальнік аддзела ідэалагічнай работы і па справах моладзі райвыканкама Ганна Джумкова. Яна адзначыла, што абарона Айчыны – святы абавязак кожнага грамадзяніна нашай краіны, а армія з’яўляецца гарантыяй яе незалежнасці і ваеннай бяспекі.

12 лютага ў дзяржаўнай установе культуры «Смаргонскі раённы цэнтр культуры» прайшла школа клубнай вучобы для кіраўнікоў, хормайстраў і рэжысёраў аматарскіх калектываў мастацкай творчасці, а таксама кіраўнікоў гурткоў па жанрах, арганізаваная спецыялістамі аддзела метадычнай работы.

Так называлася канцэртная праграма, якая прайшла 13 лютага ў сельскім клубе в.Лешчаняты.