Пад вясёлую беларускую музыку на свята завіталі беларускія гаспадынькі жанчыны і ўдзельнікі мерапрыемства. Гаспадыня хаты Альфрэда Дыро прадставіла ўсіх гасцей, а асабліва, выдатнага майстра па ткацтву- Ядзвігу Флар'янаўну Хадалёнак. Ядзвіга Флар'янаўна успомніла сваю маладосць за кроснам,і расказала прысутным аб захапленні ткацтвам, вырабамі карунак. Прыгожыя рэчы прадставілі і іншыя ўдзельніцы свята. З “матулінага куфэрка” даставалі рэчы даўніх часоў- тканыя ручнікі і посцілкі з лёну, вытканая дарожка на падлогу. Дзеці і дарослыя разам спявалі беларускія народныя песні : "Ох і сеяла Ульяніца лянок", "Чаму ж нам не пець", "Звіняць звончыкі" і іншыя. Удзельнікі свята танцавалі, ўзгадвалі прыказкі і прымаўкі, “пацехі для смеху”, жартоўныя дражнілкі. Кожны з прысутных займаўся сваёй справай,бо у “нашай хаце” было усё і для працы і для адпачынку. Напрыканцы мерапрыемства гаспадыня пачаставала ўсіх гарачым пірагом “з печы” і салодкімі прысмакамі, ды ўсім шчыра пажадала, каб жылі ў дастатку, а дома каб усё было ўпарадку.