Высветлілася, што свой дзень нараджэння святкуюць Клімёнак Соф'я Іванаўна -63гады, Ломаць Рэгіна Зэнонаўна 79 гадоў, Цынка Вольга Сідараўна 94 гады, Буйноўская Ядзвіга Чаславаўна справіла 65-гадовы юбілей. Вядучая праграмы Альфрэда Дыро павіншавала імяніннікаў, пажадала бадзёрасці, сілы, надзеі, захаплення ад кожнага дня, каб здароўе ніколі не давала збояў. На сустрэчы прысутнічала старшыня Вішнеўскага сельскага Савета Святлана Махнач, якая выказала шмат цёплых слоў у адрас імяніннікаў. Музычныя падарункі віноўнікам урачыстасці падаравалі і ўдзельнікі дзіцячых калектываў Дома культуры.
Прадоўжылася сустрэча за кубкам гарбаты, дзе усе прысутныя ўспаміналі песні сваёй маладосці, спявалі, дзяліліся ўспамінамі. Напрыканцы, імяніннікі атрымалі падарункі і кветкі, а таксама задавальненне ад мерапрыемства і з добрым настроем пакідалі залу Дома культуры.
