7 сакавіка ў сельскім клубе аг. Кушляны прайшоў святочны канцэрт для прыгожай паловы чалавецтва пад назвай " Месяц март-число Восьмое ".
Артысты шчыра і самааддана дарылі вяскоўцам сваю творчасць. Стараста вёскі Асіпаны Гацко Ніна Іосіфаўна прачытала кранальны верш пра маму. З першых хвілін канцэрта склалася добрая і захопленая атмасфера, дзякуючы якой паміж артыстамі і гледачамі адбываўся ўзаемны абмен станоўчымі эмоцыямі і святочным настроем. Нядзіўна, што ўдзячная публіка цёпла і радасна прымала кожны нумар. Зала заквітнела кветкамі і ўсмешкамі, апладысменты не змаўкалі на працягу ўсяго канцэрта.
© 2017 Дзяржаўная ўстанова культуры «Смаргонскі раённы цэнтр культуры» Усе правы абаронены
Распрацоўка: РВПЦ «Кастрычніцкі»
