Бо так важна любіць сваю малую Радзіму, з якой усё і пачынаецца. Сапраўдная патрыятычная любоў да Радзімы не бывае дробязнай. Яна велікадушная. Гэта не сляпое абажанне, гэта яснае бачанне ўсіх яе вартасцяў. А іх у нашай малой Радзімы вельмі шмат! У канцэрце ішла гаворка аб 10 галоўных славутасцях Гродзенскай вобласці, пра якія мы проста абавязаны ведаць. Прагучалі песні ў выкананні вакальнага гурта “Заляснянка”, народны тэатр лялек “Батлейка” паказаў батлеечны абразок “Перапіс насельніцтва", у аматарскага тэатра мініяцюр “Марыянеткі” адбылася прэм'ера пастаноўкі “Чыя ты, Смаргонь?”, а Глеб Кур'ян і Таццяна Глінская прачыталі вершы, якія дзіўным чынам дапоўнілі мерапрыемства. Хацелася б адзначыць вядучых Ангеліну Кенько і Вольгу Ліс, якія здолелі стварыць на працягу ўсяго канцэрта асаблівую атмасферу – дабра і чалавекалюбства. Фінальная песня “А на меньшее мы не согласны” стала своеасаблівым падвядзеннем вынікаў гэтага важнага дня ў гісторыі нашай краіны.