17 лістапада, у Дзень Выбараў дэпутатаў Палаты прадстаўнікоў Нацыянальнага сходу Рэспублікі Беларусь, у аддзеле культуры і вольнага часу “Сінькоўскі Дом культуры” адбылася канцэртная праграма “Сваім ганарымся мы краем”. У канцэрце гучалі музычныя нумары і вершы ў гонар нашай краіны. Асабліва спадабалася прысутным выступленне маленькіхудзельнікаў канцэрта, якія выконвалі песні пра матулю, танцавалі сучасныя танцы. Гледачы, як заўсёды, з задавальненнем падтрымлівалі артыстаў шчырымі апладысментамі.