18 жніўня на свята вёскі сабралася шмат людзей розных узростаў, а гэтак жа не толькі карэнныя жыхары, але і госці з суседніх вёсак. Работнікі Залескага Дома культуры падрыхтавалі разнастайную праграму, якая складалася з песень, віктарын, інтэрактыву і прадстаўлення лялечнага тэатра "Батлейка". Падчас свята вёскі працавала інтэрактыўная "Дошка гонару", дзе кожны жыхар мог прагаласаваць за сваіх аднавяскоўцаў. Старшыня Залескага сельскага выканаўчага камітэта ўручыў падарункі пераможцам конкурсу "Дом узорнага парадка i быту", былі адзначаны каштоўнымі падарункамі старасты вёсак. Таксама работнікі Залескага дома культуры надалі асаблівую ўвагу пажылым людзям і шматдзетным сем'ям.