Для прысутных была аформлена выстава вырабаў народнай творчасці, алея каляровых парасонаў, з гародніны былi зроблены вырабы. А Ірына Яўгенаўна Мароз, дачка ветэрана ВАВ, Пацэвіч Яўгена Пятровіча, не толькі распавяла пра свойго бацьку, сваю сям'ю, але і падрыхтавала выставу сямейных фотаздымкаў. Шмат цёплых слоў гучала ў адрас старажыл вёскі, імяніннікаў і юбіляраў. Ушаноўваліся супрацоўнікі пошты, ФАПа, работнікі сельскай гаспадаркі, ветэраны працы, шматдзетныя сем'і.
Сваіх жыхароў павіншавалі старасты вёсак Ніна Сцяпанаўна Аўгусцінавіч і Галіна Вікенцьеўна Грэцкая. Ад імя старшыні Каранёўскага сельскага Савета, Святланы Сяргееўны Гаспадаровай, прагучалі словы падзякі ў адрас усіх жыхароў. Гэтак жа былі падораны дзве туі, якія будуць пасаджаны каля праваслаўнага крыжа ў вёсцы. Арганізатары свята пастараліся павіншаваць кожнага жыхара, а для дзяцей было паказана шоў мыльных бурбалак. Ўсё свята суправаджалася музычнымі нумарамі, прысутныя выконвалі знаёмыя песні і танцавалі.
