Па традыцыі, ушаноўвалі самага маленькага жыхара аграгарадка, Протас Жэню, а таксама шматдзетную маці Протас Надзею Яўгеньеўну. Цёплымі словамі павіншавалі равесніцу Гродзенскай вобласці, Сіневіч Францішку Францаўну, якой у гэтым годзе споўніцца 75 гадоў. З 60-гадовымі юбілеямі павіншавалі Трызна Галіну Чэславаўну і Рымаву Галіну Мікалаеўну. А мужа і жонку Ірыну і Іосіфа Пішчака ўшаноўвалі з нагоды іх 50- гадовых юбілеяў. Цёплае летняе надвор'е, добра наладжаны выязны гандаль, а таксама змястоўная канцэртная праграма гасцей, самадзейных артыстаў Кушлянскага сельскага клуба, стваралі святочны настрой у прысутных на працягу ўсяго свята.