Музычнымі падарункамі ўшаноўвалі старажылаў і самых малодшых жыхароў вёскі. Самым старэйшым з'яўляецца Стурліс Франц Іванавіч, 1927 года нараджэння. Асаблівай увагі ўдастоіўся аднагодак ўтварэння Гродзенскай вобласці і вызвалення Беларусі ад нямецка-фашысцкай акупацыі-Шавярэнька Альбін Іосіфавіч. А вось самаму малодшаму жыхару вёскі, Баравікову Дзмітрыю Яўгенавічу, няма яшчэ і двух гадоў. Павіншавала са святам жыхароў вёскі Расла старшыня ветэранскай арганізацыі Зінаіда Фёдараўна Ігнатовіч. Яна ад усёй душы пажадала вяскоўцам здароўя, шчасця і даўгалецця. Падчас свята паміж артыстамі і гледачамі стварылася цёплая сямейная атмасфера. Мясцовыя жыхары не толькі з задавальненнем назіралі за ўсім, што адбываецца на імправізаванай сцэне, але і самі актыўна прымалі ўдзел у святочнай праграме: чыталі вершы ўласнага сачынення (нават экспромты), танцавалі, гулялі ў вясёлыя гульні.