“Неистребима память поколений” - так называлась канцэртная праграма агітбрыгады сектара культуры і вольнага часу “Лылойцінскі Дом культуры”, з якой яе ўдзельнікі выступілі перад жыхарамі аддаленай вёскі Нестанішкі і бліжэйшых маланаселеных пунктаў 23 чэрвеня. Сімвалічна, што выступленне адбылося менавіта ў гэты дзень, другі дзень пачатку Вялікай Айчыннай вайны.
Тэматычны блок канцэртнай праграмы яшчэ раз нагадаў землякам пра жахі вайны і радасці Вялікай Перамогі. У другой частцы праграмы прагучалі музычныя нумары аб Радзіме, прыгажосці яе прыроды, пра каханне. Сардэчныя словы віншавання з Днём нараджэння і музычны падарунак атрымала жыхарка в.Каробкі Ванда Іосіфаўна Вайнілка. І дзеці, і дарослыя гледачы прымалі актыўны ўдзел у мерапрыемстве: падпявалі, танцавалі, сустракалі кожны нумар праграмы шчырымі, цёплымі апладысментамі.
© 2017 Дзяржаўная ўстанова культуры «Смаргонскі раённы цэнтр культуры» Усе правы абаронены
Распрацоўка: РВПЦ «Кастрычніцкі»
