Сумесна з мясцовай бібліятэкай яны падрыхтавалі і правялі цікавую інфармацыйна-пазнавальную праграму на мясцовым матэрыяле. Пажылыя вяскоўцы з удзячнасцю слухалі юных таленавітых артыстаў, якія падрыхтавалі балады аб сваёй малой радзіме - прыгожым вішнеўскім куточку зямлі. Вялікую цікавасць вызвала выстава-пошук “Цікавыя людзі нашай вёскі", падрыхтаваная бібліятэкарам В. Жураўлёвай. А завяршэннем праграмы стала агульнае выкананне песні "Мой родны кут".
